Getaria

Eskuz Banakako Txapelketak baditu irabazleak

Igarotako igande goizean, Gure Txeruk antolatuta, getariar ugari inguratu ziren herriko frontoira pilotari gazteak lehian ikustera. Pilotazaleak zerura begira izan ziren eguraldiaren baimena izango zuten jakin nahian, euria izanez gero, partidak Sahatsaga kiroldegira eramango zirelako. Eskuz Banakako Pilota Txapelketaren XLV. edizioko finalak zeuden jokoan, eta norgehiagoka ederrak eskaini zituzten pilotari gazteek, jarraitzaileen gozamenerako. Azken emaitzak honakoak izan ziren mailaz maila: txikiak: Izei Gorrotxategi 4 eta Aiur Larrañaga 16; benjaminak B: Antton Lesaka 16 eta Eneko Aizpurua 9; benjaminak A: Alain Domingo 16 eta Aratz Lasa 15. Alebinak B: Oier Mugika 6 eta Alaia Roteta 16; alebinak A: Jagoba Martija 16 eta Ekhi Aranburu 4.