Getaria

Bederatzigarren amaitu du Keta Babyautok liga Mundarrori irabazi ondoren

Amaitu da Gorengo Maila Keta Babyauto futbol taldearentzat, eta azken sailkapenean bederatzigarren kokatuta amaitu dute.

Ez da denboraldi erraza izan; bereziki, lehen itzulian arazo asko izan zituzten garaipenak lortzeko (bi besterik ez), eta lau berdinketa izan ondoren, 10 puntu besterik ez zituzten batu.

Gauzak horrela, egoera larrian sartu zen taldea, baina bigarren itzulian erakutsi dute benetako maila, 29 puntu eskuratu dituzte eta bereziki ligako amaieran izan dira indartsuak, sailkapeneko zuloan egon arren, azken bederatzi partidetan porrot bat eta zortzi garaipen eskuratuz, azken seiak jarraian.

Denboraldiari agur esateko, Astigarraga Mundarro taldearen aurka jokatu zuten joan den igandean, Zakurmendegi futbol zelaian.

Aurreko bi jardunalditan izandako emaitza berberarekin itzuli ziren etxera, hiru gol alde eta bi aurka izanik. David Paz izan zen getariarrak aurretik jarri zituena (44. minutuan) eta atsedenera joan aurretik etxekoak berdindu zuten (45+1). Mundarrok 57an bigarrena egin zuen baina getariarrak markagailua irauli zuten amaieran, Iñigo Gurrutxagak (84an) eta Iker Agirrek (87an) egindako golei esker.