Getaria

Ate irekiak Sahatsaga kiroldegian apirilean eskaintza ezagutzeko

Sahatsaga kiroldeagiak eskaintza zabala prestatu du ondorengo hilabeteetarako, eta horren berri emateko ate irekiak egingo ditu apirilean hasita.

Horrela, apirilaren 1ean, asteartean, aeroyoga ezagutzeko aukera izango da arratsaldeko 18:00etan. Apirilaren 1ean eta 3an, berriz, total trainning (entrenamendu funtsionala) egiteko moduan izango dira bertaratzen direnak krosfit gelara. Antolatzaileek diotenez, krosfit bera bezalako zerbait da, baina arinagoa.

Gimdantza (dantza modernoa) ezagutzeko, apirilaren 7an eta 9an, kiroldegira arratsaldeko 19:00etan joatea nahiko dute interesatuak. Bestalde, ostiralero yoga egin ahal izango da 17:00-18:30 artean. Aeroyoga egiteko, ostiraletan 17:30-19:00 bitartean egongo da aukera.

Kiroldegiko zuzendaritzak herritarrak animatu nahi ditu Sahatsagara hurbildu eta eskaintza zabal eta interesgarriaz gozatzera, eta gogoratzen dute ate irekietara joateko ezinbestekoa dela aurrez izena ematea.

Hori egiteko edo bestelako edozein azalpen edo informazio eskuratu nahi izanez gero, ondorengo telefono-zenbakira deitu beharko da: 943 14 04 32.