Getaria
'Amor Furor' kontzerturako doako autobus zerbitzua Kursaal Eszenarekin

Le Cercle De L'Harmonie kontzertua apirilaren 8an Donostiako Kursaal Auditorioan arratsaldeko 19:30ean hasita

Juan Mari Zubiaurre

GETARIA.

Jueves, 20 de marzo 2025, 21:05

Kursaala Eskura egitasmoaren baitan, Kursaal Eszenak 'Amor Furor' Le Cercle de l'Harmonie kontzertura joateko doako autobus zerbitzua jarri du Getariatik.

Apirilaren 8an, asteartea, izango da 19:30etik hasita. Getariatik autobusean joan nahi dutenek aurrez egin beharko dute erreserba 943 14 09 57 telefonora deituta edo infoturismo@getaria.eus helbidera idatzita. Erreserbak apirilaren 3ra arte egin ahalko dira, eta autobusa 18:20ean aterako da autobus geltokitik.

Interesdunek Kursaal Elkarguneko web orria bitarteko dela erosi beharko dute kontzerturako sarrera, kursaal.eus webgunean. Behin sarrera erosita, interesdunek, nahitaez, euren autobuseko tokia erreserbatu beharko dute.

Sarrerak prezio ezberdinekoak dira (55 / 44 / 35 / 28 / 11 euro) eta langabetuek eta 30 urtetik beherako interesdunek, sarrerak 3 euroko prezioan erosi ahal izango dituzte. Sarrera (autobuseko tokia bezala) erreserbatzea ezinbestekoa izango da.

'Amor Furor'

Frantziako formazio bikaina, Le Cercle De L' Armonie, bere zerbitzura izango du Gaëlle Arquez mezzosoprano handiak, XVIII eta XIX mendeetako konpositore ezagunenen, Mozart-en, Rossiniren, Bizet-en eta beste hainbaten aria xarmagarrienak interpretatzeko.

Jérémie Rhorer izango da zuzendaria eta 'Amor Furor' izenburua daraman emanaldiak Mozart, Gluck, Saint-Saëns, Massenet, Bizet, Mendelssohn, Donizetti eta Rossiniren operetako arien aukeraketa bat eskainiko du.