Getaria

Abian jarri dute TAO eta egoiliarren aparkaleku sistema

Aste Santuan sartu ginenetik abian da TAO eta egoilarrentzako aparkalekuen sistema berria. Moilaren eremua araututako gune urdina izango da, eta bertan aparkatzeagatik ordaindu beharko dute eranskailurik ez dutenek maiatzaren 31ra bitarteko asteburuetan eta jaiegunetan 10:00etatik 20:00etara aurkituko dute indarrean neurria.

Ekainaren etorrerarekin, aldaketa izango du TAO eta egoliarrentzako aparkalekuen sistemak. Ekainaren 1etik irailaren 31ra bitartean, aurrez iragarritako ordutegi berbera izango du, baina egunero egongo da indarrean. Hirugarren aldaketa urrian etorriko da eta berriz asteburutan eta jaiegunetan ordaindu beharko dute ibilgailuak aparkatzeagatik, 10:00etatik 20:00etara.

Pegatinarik gabeko ibilgailuek ezingo dute data horietan zehar herriaren goiko zatiko zenbait eremutan aparkatu, hori egoiliarrentzako gunea izango baita (zuriz markatua). Eranskailua dutenek, berriz, herri osoan zehar, baita portuan ere, ordaindu gabe aparkatzeko aukera izango dute.