Getaria eta Zarautz arteko igeriketa zeharkaldia, prest

Aurten 3.000 partaidetara mugatuko da uztailaren 22an jokatuko den Getaria eta Zarautz arteko igeriketa zeharkaldia. Izena emateko aukera zabaldu dute eta martxoak 25ean amaituko da. Epe hau amaitu ondoren eta plazak egongo balira, izen ematea irekita mantenduko dute prezioen gorakadarekin data hurbiltzen den heinean. XLVIII. edizioa beteko du eta goizeko 11:30an hasiko da. Bakoitzak dituen marken arabera irteten joango dira Getariako portutik 2.850 metroko ibilbidea egiteko.