'Ezkurra basotik ahora' ekimena egingo dute San Prudentzio auzoan

San Prudentziora. Goiz parte ederra igarotzera gonbidatzen dute./
San Prudentziora. Goiz parte ederra igarotzera gonbidatzen dute.

Larunbat honetan San Prudentzioko Lagunak taldeak antolatu du goiz osoko egitaraua Goiabe eta Basaberen lankidetzarekin

JUAN MARI ZUBIAURRE GETARIA.

San Prudentzioko Lagunak ekitaldi berezia antolatu du datorren larunbaterako. 'Ezkurra basotik ahora' lelopean, goiz osoko programa borobilaz gozatzeko aukera izango dute bertaratzen direnek. Goiabe eta Basaberen lankidetzarekin antolatu dute urte amaierako ekimen hau.

Hitzordua goizeko 10:00etan izango da, auzoko plazan. Bertatik abiatuta, Dojumaso basotik ibilaldia egingo da Cesar Lema adituaren gidaritzapean. Ibilbidean zehar, ezkur, landare eta abarren berri emango du Lemak. Bera Biologian Doktorea da eta Nekazaritza Biologikoan masterra egina du.

Geldialdi berezia egingo da Basaren, landare eta kosmetikoen inguruko azalpenak jasotzeko. Bertan, basalandareen balioa zein den ikusi, ikasi eta inguruan dugun altxor honen balioaz jabetzeko aukera izango dute partaideak.

Eguerdiko 12:00ak aldera, behin ibilbidea amaituta, auzoko ermitan, Cesar Lema berak bere liburuaren 2. argitalpen berritua aurkeztuko du, 'Manual de Cocina Bellotera para la era Postpetrolera' izenburua daramana.

Behin aurkezpena amaituta, usadioari jarraituz, xaixia edo mokadutxoa izango da. Bertaratzen direnek ezkurrarekin egindako ogia, kafea, danboliñan erretarako gaztainak... dastatzeko aukera paregabea izango dute.

Goiabe sukaldeko laguntza ere jasoko dute mokadutxoa antola- tzeko orduan. Goizean zehar, erdi-aroko musika ere izango da Anarkronikus-en eskutik. Osagai hauekin, programa borobil borobila antolatu dute auzo elkartetik, eta lerro hauen bitartez bertaratzeko deia zabaltzen diete herritarrei.

 

Fotos

Vídeos