Esperantzak bere lehen helburua bete du

i estropada bikain burutu dituzte asteburu honetan Pasaian getariar arraunlariek. / LUIS AZPEITIA
i estropada bikain burutu dituzte asteburu honetan Pasaian getariar arraunlariek. / LUIS AZPEITIA

KAE-1 Liga Pasai Donibaneko bi estropadekin zabaldu da eta Getariak lan oso txukuna egin du bietan

JUAN MARI ZUBIAURREGETARIA.

Denboraldia abian jarri da asteburu honetan Esperantzarentzat. Getariarrek negu gogorra bizi izan dute aurtengoan baina orduan egindako lanak emaitza ona eman die KAE-1 Ligako estreinaldian. Pasai Donibanen bi estropada jarraian burutu dira larunbata eta igandean, III Fegemu bandera eta III. Adegi bandera. Larunbatekoa erlojupekoa zen, sei traineruko bi txandetan banatuta. Ion Larrañagaren mutilak bigarrengoan kokatu zituen zozketak eta lau ontzi atzetik uztea lortu zuten, sailkapeneko zortzigarren tokian amaituta.

Esperantzaren tostetan arraunlari hauek kokatu zituen prestatzaileak; Iker Etxabe, Igor Gomez, Andoni Galarraga, Haritz Miralles, Ion Larrañaga, Jokin Idiakez, Gaizka Gorostiaga, Eñaut Silbeti, Ioritz Ezenarro, Aimar Iraola, Iker Castillo, Aitzol Martinez eta Iker Aizpuru, Unax Eizagirre patroi zeramatela.

Igandeko banderan ohiko hiru txandetara itzultzen ziren eta getariarrek Pedreña, San Juan eta Camargorekin bigarrengoan lehiatu zuten. Camargorekin borroka polita izan ondoren hirugarren amaitzea lortu zuten eta 21:21eko denborak zazpigarren lekua eman zion Esperantzari estropadan. Ontzian Alberto Rebollok Aitzolen tokia hartu zuen bezperako hamalaukoarekin alderatuz. Sailkapenean zazpigarren daude, bigarren txandan lehiatzeko moduan beraz. Hurrengo saioa Donibane Lohizunen, larunbatean.