Costa Urola

'Errio' dokumentala ikusteko aukera Aian

'Errio' dokumentala ikusteko aukera izango da bihar, ostirala, Aiako probalekuan. Emanaldia 19:00etan hasiko da eta ondoren solasaldia eskainiko dute Ibon Gaztañazpi zuzendariak eta Xabier Alberdik eta Alvaro Aragon historialariek.

Orioko itsas ondarea jasotzen duen dokumentala ikustera hurbiltzeko gonbita egiten du Aiako Udalak, eta probalekuko ateak 18:30ean zabalduko dira.

'Errio' dokumentalak gure itsas ondarea eta historia inoiz ez bezala ikusi eta ezagutzeko aukera paregabea eskaintzen du. Durangoko Azokan estreinatu zen eta orain dela aste pare bat Indian ere saritua izan da. Proiekzio zinez gomendagarria dela iruditzen zaigu.