Elkano berriro etxera itzuli zen atzo

Ordezkariekin. Elkano eta munduko bost kontinenteetako ordezkariak. Marinela Iñaki Bikuña eta, ondoan, erregeari Juan Sebastianek bisita egiten zion unea. / ARGAZKIAK AMAXKAR
Ordezkariekin. Elkano eta munduko bost kontinenteetako ordezkariak. Marinela Iñaki Bikuña eta, ondoan, erregeari Juan Sebastianek bisita egiten zion unea. / ARGAZKIAK AMAXKAR

Gaur, Salbatore jaietako azken eguna izango da eta bandera jaitsierarekin agurtuko dira festak |

JUAN MARI ZUBIAURRE GETARIA.

Lau urtetik behin irudikatzen du Getariako herriak Juan Sebastian Elkano getariar marinelaren lehorreratzea. Herriak bai, zeren antzezpenean herritarrak ikusten badira, inguruan beste hainbat ere lanean ibiltzen dira dena primeran atera dadin eta hauek ere errekonozimendua merezi dute. Goizean goizetik eta arratsaldean berandu arte, boluntario asko izaten dira laguntza emanaz eta hauek gabe ezinezkoa izango zen emanaldi hau aurrera ateratzea.

Aurtengoan, berrikuntza asko izan dira, Iñigo Isasti izan zen Elkanoren paperean eta zozketa bidez sartu dira bertan parte hartu nahi zuten hainbat getariar, emakumezko zein gizonezko, genero ikuspegia errespetatuz eta partaidetza sustatuz. Euskal Telebistak saioa zuzenean eman zuen eta frontoian pantaila erraldoi bat jarri zen.

Gaur, festen azken eguna izango da. Gazte Alaiak taldearen diana, hegaluzea eta sagardoa eguerdian eta Jone Uria eta Anjel Mari Peñagarikano bertsotan 13:30ean frontoian. Arratsaldean, euskal okelaren pintxoak, herri kirol saioa eta, gauerdian, bandera jaitsiera.

Contenido Patrocinado

Fotos

Vídeos