Dantza tailerra eta paella lehiaketa San Kristobal festei bukaera emateko

Narrondoko mus txapelketako bikote garaileak. / AINARA MARTÍN
Narrondoko mus txapelketako bikote garaileak. / AINARA MARTÍN

Gaur amaituko da hiru eguneko ospakizuna Narrondon

A. M.ZESTOA.

Azken egunotako ekitaldiei eta parrandei amaiera emango diete gaur auzotarrek. Nolanahi ere, nahi duenarentzat izango da festarako abagunea gaurkoan ere. Hain zuzen ere, gorputza mugitzeko aukera egongo da Astinduk antolaturiko dantza tailerrean. Ondoren, paella lehiaketa eta geroko bazkaria.

Azken egunetan giro paregabea izan dute Narrondon. Ostiralean jende ugari bildu zen museko eta eskobako txapelketetan, 25 eta 12 bikote hain zuzen ere. Museko txapelketan Getariatik etorritako Iñaki Iraola eta Jose Campos gailendu ziren. Bikoteak etxera eraman zituen 240 euro, txapela eta garaikurra. Bigarren postuan berriz, Jose Antonio eta Iñaki Arizaga Aizarnazabalgo aita-semeak. Azken hauek 180 euro eskurtau zituzten. Narrondoko lehenengo bikotea Antonio Arrizabalaga eta Joseba Etxabe izan ziren. Eskobako txapelketan berriz Aizarnazabaldik etorritako emakumeak nagusi, bikote garailea, Josefina Aranburu eta Axun Iturraldek osatutakoa izan zen. Bigarren, Ina Urbieta eta Ines Zubizarreta, hauek ere aizarnazabaldarrak. Lehenengoek txuletak, ardo botilak eta 50 euro jaso zituzten, bigarrengoek txanpain eta ardo botilak.