EH Bilduk lortu ditu boto gehien igandeko hauteskundeetan

GETARIA.

Espainiako Kongresurako eta Senaturako hauteskundeak egin ziren joan den igandean eta Getarian boto gehien jaso dituen alderdia EH Bildu izan da 727 batuta (%42,97) 2016an baino gehiago, orduan 554 jaso bai zituen.

Bigarren tokian geratu da EAJ-PNV. Hauek 697 boto eskuratu dituzte (%41,19) eta aurrekoak bezala igo egin dira, aurrekoetan 565 bozka izan ondoren. Hirugarren tokian kokatzen da Elkarrekin Podemos 149 botorekin (%8,81) baina beherakada izan ondoren zeren 2016an 256 boto lortu zituen.

PSE-EE alderdiak 76 boto lortu ditu (%4,49), aurrekoan baino gehiago, orduan 35 jaso bai zituen. Atzetik geratu dira PP 10, Ciudadanos eta PACMA 7 eta Vox 5. Parte-hartzea %79,48koa izan da eta gorakada izan da atal honetan ere 2016ko hauteskundeekin alderatuz. Deituta zeuden getariarrak 2.144 ziren.

Senatuari dagokionez emaitzak hauek izan dira: EH Bilduk 2.209, EAJ-PNV 2.031, Podemos 321, PSE-EE 205, PP 45, PACMA 18, Ciudadanos 18 eta Vox 7.