EAJ eta EH Bildu, igandean boto gehien jaso zituztenak

Bozkatzen. Goiz partean iladak sortu ziren. /  ETXEBERRIA
Bozkatzen. Goiz partean iladak sortu ziren. / ETXEBERRIA

3.278 oriotarrek hartu zuten parte igandeko hauteskundeetan, herritarren %74,64

El Diario Vasco
EL DIARIO VASCO ORIO.

Joan den igandean ospatu zen Kongresurako Hauteskundeetan EAJ-PNVk jaso zituen bozka gehienak Orion, 1.353 boto hain zuzen ere, herritarren %41,45. EH Bilduk, berriz 964 boto jaso zituen, herritarren %29,53. UP-k 436 bozka izan zituen, PSEk 347, PPk 72, Ciudadanos-ek 34 eta Vox-ek 23. Azkenengo Kongresurako hauteskundeekin alderatuz, duela hiru urte, aipatzeko datuak dira PNV, EH Bildu eta PSE-EEren gorakada handiak eta Unidas Podemos eta PPren beheranzko bideak.

Nabarmentzeko beste datu garrantzitsua, jendearen parte-hartze handia. Igandean, %74,64 herritarrek eman zuten bozka. Hori dela eta, goiz eta eguerdi partean iladak sortu ziren bozka emateko hauteslekuetan. Hauteskunde honetako parte-hartzea handia izan da estatu osoan.

Bestalde, Aian herritarren %65,42 parte-hartu zuen hauteskundeetan. EAJ-PNVk 472 bozka jaso zituen, Bilduk 317, Unidas Podemos-ek 127, PSE-EEk 44, Pacmak 9, PPk 8 eta Ciudadanos-ek, berriz, 7.