Zatika taldeko Nicolas Alustiza nagusi 39. San Inazio Sarian

Podiuma Lagun Onak T.E-ko eta Udaleko ordezkariekin. /  GTF.
Podiuma Lagun Onak T.E-ko eta Udaleko ordezkariekin. / GTF.

97 lagunek hartu zuten parte eta 55 kilometroko ibilbidea egin zuten kadete mailako txirrindulariek

E.A.AZPEITIA.

Lagun Onak txirrindulari Elkarteak antolatuta, 39. San Inazio Saria jokatu zen pasa den igande arratsaldean. Kadete mailako proba izan ohi da eta 97 txirrindulariek hartu zuten parte. 55 kilometroko ibilbidea zuten aurretik, Perez Arregi plazatik abiatuta. Iraeta aldera joan ziren aurrena, berriro bueltatu eta Loiolan bira ostean berriro Zestoaruntz bideratu zuten ibilbidea. Azken txanpan Etumetako gaina igo behar izan zuten berriro Azpeitiko helmugara iristeko.

Ibilbidea burutzen aurrena Nikolas Alustiza (Zatika) zumarragarra izan zen. Bigarren Aimar Eros helmugaratu zen eta hirugarren Unai Zubeldia (Cartonajes Limusin) ibartarrak ukitu zuen Perez Arregiko marra.

Oier Ibarguren, garaile

Bestalde, asteburu oparoa izan da herriko txirrindularitzari dagokionean. Izan ere, Oier Ibarguren herritarrak Leongo Itzuliko bosgarren eta azken etapa irabazi zuen zapatuan.

Diputacion de Leon-ULB taldearekin aritu da Ibarguren Leongo Itzulian, Baquek utzita.