ZAINDARIAREN EGUNEKO EKITALDIEKIN AGUR ESAN DIETE FESTEI ARATZERREKAN

Asteburua jaietan murgilduta igaro ostean, atzo, Isidro Deunaren Eguna, eman zieten festei bukaera Aratzerrekan. Egun guztian zehar zaindariaren eguneko ospakizunak izan zituzten bertan. Hala, meza nagusian elkartu ziren auzotarrak estreinako. Bazkaria ere izan zuten, ohiturari jarraituz. Nola ez, trikitilariek alaitu zuten bazkalostea. Arratsaldean, pilota partidak izan zituzten eta 'atxurraren jaitsiera'ekin eta afariarekin amaitu ziren ospakizunak.