Azpeitia

41 urte eta gero, lore eskaintza «berezia»

Larunbatean, martxoaren 22an, bete ziren 41 urte Espainiako Estatuko segurtasun indarrek Pasaian Komando Autonomo Antikapitalistetako kide ziren Dionisio Aizpuru 'Kurro' eta Pedro Mari Isart 'Pelitxo' azpeitiarrak eta Rafael Delas 'Txapas' eta Jose Maria Isidro Izura 'Pelu' iruindarrak hil zituztenetik; 41 urteren ostean, familiakoek, lagunek eta hainbat herritarrek ez dute hutsik egin hildakoen omenezko lore eskaintzan Enparan Dorretxearen ondoko monolitoan. Aurtengoa ordea, «berezia» izan da. Izan ere, Pasaiako segadan hildako lau lagunak biktima gisa aitortzeko eskaera onartu berri du Eusko Jaurlaritzak.