Unai Alberdi garaile, Getariako Salbatore txapelketan

Partidua Getariako Elkano frontoian. /  M.G.
Partidua Getariako Elkano frontoian. / M.G.

18-22 nagusitu ziren Alberdi azpeitiarra eta Garmendia lazkaotarra Fernandez eta Garcia errioxarren aurkako finalean

MIREIA GALARZAAZPEITIA.

Asteartean amaitu zen 22. Salbatore Pilota Txapelketa. Kadete, jubenil eta 22 urtez azpiko kategorietako partidak jokatu zituzten Elkano frontoian, eta hiru kasuetan txapela Gipuzkoan gelditu zen. Kadeteetan Lazkaoko pilota elkarteko Naldaitz eta García gailendu ziren, eta sub-22 kategorian Julen Alberdi zizurkildarra eta Odriozola urnietarra. Jubeniletan, aldiz, Azpeitira eta Lazkaora joan zen txapela, hurrenez hurren, Unai Alberdirekin eta Garmendiarekin.

Ordubete pasa iraun zuen Unai Alberdik eta Garmendiak Fernandezen eta Garciaren aurka jokatu zuten norgehiagokan; izan ere, errioxarrak tinko mantendu ziren eta ez zizkieten partida irabazteko erraztasun asko eskaini. Markagailuak 17-13 markatzen zuen gipuzkoarren aurka, baina, azkenean, 18-22 irabazi zuen bikote gipuzkoarrak. Azpeitiarrak asteko bigarren partidua jokatu zuen astelehenean Burlatan lehiatu ostean.

Sub-22 mailan 22-13 irabazi zuten Julen Alberdi eta Odriozolak Yaniz eta Santamaria nafarren aurka. Nafarrak tantoak lortzen saiatu ziren arren, hasieratik gailendu ziren gipuzkoarrak. Kadeteetan, aldiz, 12-22 gailendu ziren Naldaitz eta García Iriarte- Gorrotxategiren aurka.