Azpeitia

Txillardegiren inguruko hitzaldiarekin itxiko du Karmelo Landak 'Abertzaleak' zikloa

Basazabal jauregian amaituko da datorren asteartean, apirilaren 29an, 'Abertzaleak' hitzaldi zikloa, Naziogintza Taldeak eta Azpeitiko Udalak elkarlanean antolatutakoa. Karmelo Landa historialari eta EHUko irakasle ohiak eskainiko du azken saioa, eta Txillardegiren figura politiko eta intelektualaren inguruan jardungo du, arratsaldeko 19:00etan hasita.

Zikloa aurkeztean adierazi zuten bezala, helburua izan da euskal abertzaletasunaren historian eragin handia izan duten bost figura ezagutaraztea, eta hala, Aita Manuel Larramendi, Sabin Arana, Eli Gallastegi 'Gudari', Telesforo Monzon eta orain Txillardegi izan dira protagonista. Edurne Alegria, Xabier Irujo, Nerea Azurmendi eta Pako Sudupe izan dira aurreko hizlariak, bakoitzak bere pertsonaia historikoari buruzko ikuspegia emanez. Landak berak azaldu bezala, zikloak «ikuspegi progresibo eta lotura duen ibilbidea» proposatu du, foralismotik nazionalismora eta independentismorako bidean izan diren erreferenteen eskutik. Zikloa «bereziki interesgarria» dela azpimarratu du, eta pertsonaia bakoitza sakonago ezagu-tzeko aukera paregabea eskaini duela ere.