Azpeitia

Salgai daude bihar hasiko den sagardo dastaketarako txartelak

Iaz antolatu zen estrainekoz sagardo kata eta izandako arrakastaren ondoren aurtengoan berriro ere izango da sagardoa dastatzeko aukera herrian. Hala, bigarren aldiz antolatu dute Azpeitiko Udalak, Gipuzkoako Sagardogileen Elkarteak eta Azpeitiko Sagardoaren Lagunak Taldeak. Oraingoan, ordea, Azoka Plazan beharrean, herriko bost elkarte gastronomikotan egingo dira dastaketak: Oilosoron, Basazabalen, Iturrin, Zokoan eta Gure Ametsan.

40 lagunentzat egongo da tokia dastaketa bakoitzean: 30 txartel elkarteak berak kudeatuko ditu, eta gainerako hamarrak edozein herritarrentzat izango dira. Hala, dastaketaren batera joan nahi dutenek Elikagunean erosi behar dute txartela, nahi duten elkarterako. 20 euroan lau plater hotz edo bero, postrea, kafea eta sagardoa sartuko dira.