Ruandaren alde, bat eginda

Atzoko saioko korrikalaririk helduenak eta txikitxoak gogotsu atera ziren, bakoitzari zegokion ibilbidea egitera. / ARGAZKIAK E.A.
Atzoko saioko korrikalaririk helduenak eta txikitxoak gogotsu atera ziren, bakoitzari zegokion ibilbidea egitera. / ARGAZKIAK E.A.

ELI AIZPURUAZPEITIA.

Mantangorri txirrindularitza proba eta Ruandaren aldeko lasterketa solidarioa jokatu ziren atzo Sanjuandegin. Estreinako kimu eta infantil mailako txirrindulariek Mantangorri probaren bosgarren edizioa zuten aurretik. Federatutako txirrindulariek parte hartu zuten auzoan barrena Lagun Onak txirrindulari elkarteak antolatutakolasterketan. Kimu mutilen mailan, Odei Salaberria(zatika) nagusitu zen, Jon Sanchez (Bizipoz) eta Alex Dávila, Atracciones Sanz-Epi Kristaldegiako azkoitiarraren aurretik. Kimu nesketan, Aroa Sáez( Elgoibat) izan zen onena, Ainhize López de Aretxabaleta (Dorletako Ama) eta Arantxa Anduaga Aloña Mendiko txirrindulariaren aurretik. Azkenik, infantil mailan, Gari Ugarte (Goifiber) izan zen lehena helmugaratzen. Bigarren postuan Unax Errasti(Lokatza) iritsi zen; eta hirugarrenean Aritz Aranbarri azpeitiarra (Atraccioens Sanz) sailkatu zen.

Ondoren, Azpeitiko kooperazio taldeak, Sanjuandegiko Festa Batzordeak eta Xeye atletismo taldeak antolatutako lasterketa solidarioa jokatu zen. Maila desberdinetan banatuta, hainbat haurrek hartu zuten parte. Bildutako dirua Ruandara bideratuko dute aurten antolatzaileek.