Azpeitia

Pentsiodunak elkartuta, beste behin

Azpeitiko Jubilatuen eta Pentsiodunen plataformak asteleheneroko elkarretaratzeekin jarraitzen du eta azken urteetan pentsio duinen alde eta gutxieneko pentsioa bermatzeko egindako aldarrikapenez gainera, oraingoan Gure Esku Dagok larunbat honetarako deitutako manifestazioarekin bat egiteko deia egin dute. Gure Eskuk deituta, 'Herri libre bat-Euskal Herriak erabaki!' lelopean egingo da Bilbon manifestazioa larunbatean. Hainbat lagunek eman zioten atzo babesa egitasmoari, eta herritarrei Bilboko hitzorduan parte hartzeko deia egin zuten.