Oroimenez eta txaloz betetako trikiti jaialdia

Beste behin, Soreasu leporaino bete zen pasa den zapatuan San Jose Triki Jaialdia ikusteko. 500 ikus-entzuletik gora bildu zen 70eko eta 80ko hamarkadetako trikitiaz gozatzeko. Hori izan zen jaialdiak izan zuen haria. Nola ez, garai hortakoa eta duela gutxi joan zitzaigun Iñaki Garmendia 'Laja' izan zuten gogoan. Haren omenezko bideo bat eskaini zuten irudiekin eta bertsoekin nahastuta. Trikitilarari eta pandero jotzaileen artean, Laja II eta Landakanda ere aritu ziren.