Azpeitia

Oiartzunen aurka jokatuko du gaur Herriartekoa Azpeitiak, 21:00etan hasita

Gipuzkoako Herriartekoaren Eskuzko final-laurdenetan da Azpeitia. Gaur, ostirala, Izarraitz frontoian jokatuko ditu hurrengo norgehiagokak eta Oiartzun izango du aurrez aurre, 21:00etan hasita. I. Arsuagak eta M. Mendizabalek jokatuko dute kadete mailan; I. Sarasua eta J. Artetxe izango dira kantxan jubenil mailan eta senior mailan, I. Egiguren eta U.Egiguren bikotea ariko da.

Alegia menpean hartuta heldu dira azpeitiarrak final laurdenetara. kadeteetan, 22 eta 5 irabazi zuten. 22 eta 8 nagusitu ziren jubenil mailan eta nagusietan, berriz, 22 eta 5 gainditu zituzten arerioak azken neurketan.