Azpeitia

Musika familian gozatu dute Sanagustinen

Musika Familian egitasmoaz gozatzeko aukera izan zuten asteazken arratsaldean Sanagustin kulturgunean. Juan Antxieta musika eskolak antolatuta, hamar familia elkartu ziren musika tresna desberdinekin piezak eskaintzeko. Antxieta etxekoen, Gautenakoen eta San Martin egoitzako egoiliarren saioarekin hasi zen emanaldia, eta ondoren, taldean edo bikoteka ahaidetasunen batek lotzen zituen pertsonek egin zuten agerraldia.

Musika Eskolak emanaldi desberdinekin jarraitzen du. Atzo bertan bertako ikasleen emanaldiak egin zituzten eskolako aretoan.