Mikel Larrañaga aizkolariak hirugarren egin du Ramon Latasa Aizkora Sarian

Joan den igandeko parte hartzaileak. Larrañaga, ezkerretik eta goitik hasita laugarrena. /  IBON ERRAZU
Joan den igandeko parte hartzaileak. Larrañaga, ezkerretik eta goitik hasita laugarrena. / IBON ERRAZU

Sunbillan egin zen proba eta bost bikotek parte hartu zuten

MIREIA GALARZAAZPEITIA.

Joan den igandean, hilak 11, Ramon Latasa zenaren oroimenezko aizkora sariaren 18. edizioa jokatu zuten Sunbillan (Nafarroa). Bost bikote lehiatu ziren bertan: Iker Vicente eta Ruben Saralegi, Ugaitz Mugertza II eta Julen Alberdi Txikia IV, Mikel Larrañaga azpeitiarra eta Eneko Otaño, Joseba Otaegi eta Aitzol Atutxa eta Xabier Orbegozo Arria V eta Jon Rekondo.

Lehen postua Vicente eta Saralegik lortu zuten; izan ere, hamar kanaerdiko eta sei 60 ontzako enbor ebakitzeko 28 minutu eta 38 behar izan zituzten. 43 segundu gehiago behar izan zituzten Mugertza II.ak eta Txikia IV.ak proba amaitzeko, eta, horrenbestez, bigarren postua lortu zuten. Hirugarren sailkatu ziren Larrañaga eta Otaño, 00:30:14ko denborarekin, eta laugarren Otaegi eta Atutxa, hirugarrenak baino zazpi segundu geroago amaituta. Bosgarren, berriz, Arria V eta Rekondo sailkatu ziren (00:32:04).