Azpeitia

Martxoko ohiko udalbatzarra izango da asteartean, 19:00etan hasita

Martxoari dagokion ohiko udalbatzarra egingo dute asteartean, hilaren 11n, udal hautetsiek. Udaleko areto nagusian, ohi bezala, izango da bilgunea, 19:00etan hasita. Besteak beste, Azpeitiko Udaleko lehen barne berdintasun plana (2025-2028) landuko dute udalbatzarrean.

Horrez gainera, beste hainbat gai daude zerrendatuta. Honakoak dira: Azpeitiko HAPOaren Trukutxo 31. Hirigintza Eremurako Plan Partziala behin betiko izaeraz onartzea; Zarata maparen behin betiko onarpena; Udalaren eta Ekindar Kooperatiba Elkartearen arteko hitzarmena, ibilgailu elektrikoak kargatzeko puntuak instalatzeko jabari publikoaren erabilera pribatiboaren kontzesioa formalizatzeko; Kultura sustatzea helburu duen Udalaren eta Kulturaz Azpeitiko Kultur Kooperatibaren arteko hitzarmenaren luzapena; Gipuzkoako Foru Aldundiaren eta Azpeitiko Udalaren arteko lankidetza-hitzarmena, 2024. ekitaldirako etxez etxeko laguntza zerbitzua kudeatzeko.

Amaitzeko, alkatetzak 2025eko urtarrilean emandako ebazpenen berri emango du eta ohiko udalbatzarra denez, galdera eta erreguei tartea egingo zaie.