Azpeitia

Martxoaren 15ean izango da XXXV. San Jose Trikiti jaialdia

Urtero bezala, San Jose Eguna arrimatzen den heinean hitzordu garrantzitsu bat izan ohi da Azpeitian trikitia gustuko dutenentzat. Datorren larunbatean izango da XXXV. San Jose trikiti jaialdia, Soreasun, arratsaldeko 17:30ean hasita.

Aurtengoan ere agertokian izango dira hainbat eta hainbat trikitilari. Trikiti doinuak eramango dituzte Soreasura Ane Urbietak, Maialen Larrañagak eta Amets Etxabek; Enaitz Alberdik, Araitz Etxanizek, Aitor Alberdik eta June Badiolak; Arenek eta Uxuek; Iñaki Dieguezek eta Iñaki Telleriak; Julen Rueda Erkizi-k, Manex Unanuek, Maitane Unanuek eta Josu Urangak; Iñaki eta Ramonen semeek; eta Napo Saizarrek eta Aitziber Estangak.

Jaialdirako sarrerak jada salgai daude Kulturaz kooperatibaren webgunean. Urtetik urtera are eta arrakasta gehiago izan ohi du trikitiarekin antolatutako hi-tzorduak eta dagoeneko sarreragutxi batzuk geratzen dira. Hamabost euro balio du sarrerak.