Maria Otaegi eta Paula Sanjuan Espainiako txapelketan, Huelvan, Euskadiko selekzioarekin

Maria eta Paula, talde teknikoarekin./
Maria eta Paula, talde teknikoarekin.

Hiru garaipenekin eta bi porrotekin etxeratu dira Lizarralderen neskak; Andaluziak irabazi du

El Diario Vasco
EL DIARIO VASCO AZPEITIA.

Maria Otaegi eta Paula Sanjuan Iraurgi Saskibaloi taldeko kadete neskak Huelvan izan dira hilaren 3tik 7ra, bertan jokatu baita Espainiako Saskibaloi txapelketa. Azpeitiarrak Euskadiko selekzioarekin lehiatu dira eta «oso txapelketa ona» egin dute. Joseba Lizarralde herritarraren gidaritzapean aritu dira Euskadiko neskak eta beraiekin batera izan dira Julen Etxaniz eta Asier Larrañaga azpeitiarrak ere eta Aitziber Besga azkoitiarra, laguntzaile lanetan.

Andaluziakoak izan dira irabazleak. Lizarralderen esanetan, «oso txapelketa gogorra izan da eta talde bikainak izan ditugu aurkari». Hiru garaipen eta bi porrotekin itzuli dira euskaldunak Andaluziatik baina harro, izan ere, txapeldunei, Andaluziako neskei irabazi dieten talde bakarra izan dira.

Infantiletan Doltza Oiartzabal

Maria eta Paula kadete mailan aritu dira Espainiako Txapelketan baina hauekin batera, infantil kategorian, beste herritar bat ere aritu da selekzioarekin. Doltza Oiartzabal Iraurgi Saskibaloi taldeko kideak ere izan du ohore hori. Kasu honetan, garaipen bat eta lau porrot jasan dituzte infantil mailako neskek.