Azpeitia

M8ak hainbat jende mobilizatu du herrian

Emakumeen Nazioarteko Egunean «faxismoaren eta ideia erreakzionarioen gorakadari aurre» egiteko deia luzatu dute Azpeitian mobilizazioak antolatu dituzten eragileek. Feministen Sareak eguerdian egin zituen ekitaldiak. Elkarretaratzea egin zuten baina horrez gainera, umeentzako tailerrak edo musikaz gozatzeko aukera izan zuten plazara gerturatutako dozenaka herritarrek. Behin aldarrikapenak amaituta, mokadua egiteko tartea ere hartu zuten partehartzaileek, Azoka plazan. Arratsaldean, 'Matxismoaren aurrean, emakume langileok borrokara' leloarekin egin zuen mobilizazioa Itaiak. Bestalde, Azpeitiko Udaleko EH Bilduk eta EAJk adierazpen bateratua adostu zuten Martxoaren 8aren harira.