Laugarrena jarraian irabazita, sailkapeneko lehen postuan da Juaristi ISB

Etxeko partida bat. /  ISB
Etxeko partida bat. / ISB

E.A.AZPEITIA.

Juaristi ISB taldeak lautik lau partida irabazita sailkapeneko lehen taldea da. Iñaki Jimenezen mutilek denboraldiko laugarren garaipena jarraian lortu zuten asteburuan Ponferradan 70 eta 80 nagusitu ostean. Lehenengo laurden txukuna osatu zuten azpeitiarrek eta 19 eta 23koarekin amaitu ziren lehendabiziko 10 minutuak. Nabarmentzeko modukoa Reavesek eta Salazarrek egindako lana.

Bigarren laurdenean etxekoek diferentziak laburtu zituzten eta atsedenaldira 39 eta 41ekoarekin heldu zen partida.

Hirugarren laurdena ere oso parekatua izan zen, azpeitiarrek ez zuten asmatu erasoan eta defentsan ere arazoak izan zituzten. Berdinketarekin iritsi ziren hirugarren laurdenaren amaierara, 57-57.

Azken 10 minutuetan Iñaki Jimenezen taldeak nortasuna erakutsi zuen eta Powellen minutu onek taldeari abantaila eman zioten, amaierara markagailuan aurretik iristeko. 70-80 nagusitu zen Juaristi. Partidako jokalaririk onena Reaves izan zen 20 punturekin eta 27ko balorazioarekin. Laugarrena jarraian Juaristirentzat. Igandean urriak 13, Azkotian neurtuko dituzte indarrak Basket Navarraren aurka, 18:00tan.