Azpeitia

Ilunpeko pilotariek hiru final jokatuko dituzte eta bat gaur, Azpeitian

Ilunpe elkarteko pilotariek eskuz binakako hiru final jokatuko dituzte asteburuan eta bat Azpeitian izango da. Gaur, ostirala, Frontoi Txikin izango da lehena, kimuen lehen mailakoa. Ilunpe 1 eta Ilunpe 2 bikoteak elkarren kontra jokatuko dute finala, 19:00etan.

Infantilen lehen mailako pilotariek ere gaur jokatuko dute finala, 19:30ean. Oñatiko Zubikoa pilotalekuan izango da. Ilunpe 1 Arrasate 1 bikotearen kontra ariko da.

Azkenik, jubenilen lehen mailakoek, igandean jokatuko dute Tolosaren kontra. Tolosako Beotibar pilotalekuan, 10:30ean hasita.