Azpeitia

Hiru haurrek egin dute Jaunartzea Urrestillan

Pasa den asteburuan ospatu zuten hiru haurrek Lehen Jaunartzea Urrestillako parrokian. Bi neska eta mutil bat izan ziren protagonista egun berezi honetan. «Ekitaldia hunkigarria izan zen, senide eta lagunen presentziarekin, eta giro goxo eta hurbilean» ospatu zen, diote Urrestillatik. Ospakizun honekin amaiera eman zaio aurtengo jaunartzeen denboraldiari Azpeitian. Guztira, 42 haurrek hartu dute parte aurtengo Lehen Jaunartzeetan, bi tandatan antolatutako meza berezietan.