Herriko hainbat kale konpontzeko eta asfaltatzeko lanak hasi ditu Udalak

Kaleak asfaltatzeko lanetan. /  UDALA
Kaleak asfaltatzeko lanetan. / UDALA

Erakundeak azaldutakoaren arabera, «kale osoa asfaltatuko da zenbaitetan, eta zatiak beste batzuetan»

E.A. AZPEITIA.

Herriko hainbat kale konpontzeko eta asfaltatzeko lanak hasi ditu Udalak. Honela, Ezkuztan, Madalena auzoan, Perdillegi kalean, Garmendipe auzunean, Matxinada kalean, Etxe Alai eta Arana Goikoa auzoetan, Urbitarte eta Salbe auzuneak eta Gerra Txiki kalean egingo ditu konponketak. Udalaren arabera, auzo edo kale bakoitzaren egoeraren araberako lanak gauzatuko ditu: «Kale osoa asfaltatuko da zenbaitetan, eta zatiak beste batzuetan».

Udaletik azaldu dutenez, lanek irauten duten bitartean, «unean uneko aldaketak» izango dira trafikoan. Bi hilabete inguruan egingo dituzte asfaltatze lan guztiak, eta Asfaltos Urretxu enpresa arduratuko da horiek egiteaz.

Obrek 240.542,22 euroko aurrekontua dute.