Azpeitia

Herriarteko txapelketatik kanpo geratu da Azpeitia Oiartzuni galduta

Agur esan dio Azpetiak eskuzko Herriarteko pilota txapelketari. Igande arratsaldean jokatu zituzten Ilun-pekoek final laurdenetako itzulerako partidak Oiartzungo Madalensoro pilotalekuan. 2 eta 1 galdu zuten etxean eta markagailua iraultzeko aukera asko zituen Azpeitiak baina Izarraitzen egindako emai-tza berarekin amaitu zen lehia. Hiru partidatik bi galdu zituzten. Oiartzun, egungo txapeldunak, egingo du beraz, aurrera.

Honakoak izan ziren emai-tzak: kadeteen mailan, oiar-tzuarrak 22-9 gailendu ziren Arsuaga eta Mendizabalen kontra. Gazteen mailan, Artetxek eta Sarasuak aise atera zuten norgehiagoka eta 7-22 irabazi dieten Oiartzungo Etxeberriari eta Etxepareri. Nagusietan, berriz, I. Egiguren-U.Egiguren bikoteak 12- 22 galdu zuen.