Giro ezin hobean igaro dituzte Damaso auzoko jaiak

Damasotarren txaranga ezaguna bihurtu da herrian. Alboan, meriendan parte hartu zuten haurrak. / E. A.
Damasotarren txaranga ezaguna bihurtu da herrian. Alboan, meriendan parte hartu zuten haurrak. / E. A.

ELI AIZPURU AZPEITIA.

Damaso auzoko bizilagunek egun osoko festa ospatu zuten pasa den zapatuan. Adin guztietako auzotarrei eskainitako jai egitaraua izan zuten aurretik. Hala ere, auzokideek aitortu bezala «umeak hazi zaizkigu», beraz, festan parte hartzen duten gaztetxoen kopurua behera doa urtetik urtera. Hala ere, ez zen festa girorik falta izan eta bertako umeek ezin hobeto igaro zuten jai eguna.

Txupinazoarekin eta Damaxen jaitsierarekin hasi zuten festa. Ondoren, haurrentzako mahai lanak izan zituzten. Auzoko txikiei zuzendutako lasterketa egin zuten gero. Hemen nabarmendu zen gehienbat partaidetza, hala ere, bertako txikitxoek ez zuten hutsik egin. Eguerdi aldera, txaranga osatu eta doinu alaiez bete zuten auzoa. Atsedena hartu ostean, arratsaldean jarraitu zuten egitarauarekin.

Siesta ondoren jolasak zeuden aurreikusita. Bertan behera geratu ziren ordea, eta agertutako umeekin merienda egin zuten auzoko plazan. Ondoren, Iagomago artista gazteak , Damasoko bizilaguna izanik gainera, etxekoen aurrean eskaini zuen magia ikuskizuna.

Txarangak hartu zuen gero protagonismoa eta helduen poteoa animatu zuten. Izan ere, eguna amaitzeko, afaria zuten aurretik damasotarrek; ohi bezala, umeen txanda izan zen aurrena, eta helduena ondoren. Afalostean ere jarraitu zuen festak eta musikaz girotu zutengaua.

 

Fotos

Vídeos