Azpeitia

Giro aparta elektrotxarangek alde zaharrean

Euskal Herriko Elektrotxaranga Lehiaketaren laugarren edizioko lehen saioa izan da asteburuan, maiatzeko lehen zapatuan. Zutik eta iazko irabazlea, Elektrotxufla, aritu ziren, herriko Alde Zaharrean giro aparta sortuz. Jende andana bildu zuten musikaz eta dantzaz gozatzeko bi taldeek. Guztira zazpi elektrotxaranga ariko dira maiatzean zehar Azpeitian, eta haien emanaldiak epaimahai batek baloratuko ditu. Irabazleak 5.000 euro eta saninazioetan jotzeko aukera eskuratuko du, eta bigarren sailkatuak, 1.000 euro. Lehiaketa Azpeitiko Alde Zaharreko Tabernarien Elkarteak eta Udalak antolatu dute. Datorren zapatuan, talde bakarra ariko da herriko kaleak girotzeko: 3indarrok taldea. Hurrengo bi asteburuetan, berriz, berriro ere bina talde izango dira lehian.