Azpeitia

Gaur da 'Sokamuturra' erakusketa ikusi ahal izateko azken eguna

Gaur, igandea, apirilak 20, da 'Sokamuturra' argazki erakusketa ikusi ahal izateko azken eguna, Betharram erakusketa aretoan. 12:00etatik 14:00ak bitartean izango da zabalik aretoa.

Aurten, Roman Azkue argazkilariak jaso du sokamuturrari lotutako lehen saria, 'Aurrez aurre' izeneko argazkiagatik. Iñaki Etxenagusia sailkatu da bigarren 'Panoramika' izeneko irudiarekin, Ander Uria hirugarren 'Sardoaren arriskua' izeneko argazkiarekin, Igor Froilan laugarren 'Ahhh' argazkiarekin eta Aritz Aranbarri bosgarren 'Zezena 3' irudiarekin.

Bestalde, AAEk karnabaletako jai giroko argazki onenaren saria Alberto Belokik irabazi du, 'Padilla herria zurekin' argazkiarekin.

Guztira, hemeretzi argazkilarik aurkeztu dituzte lanak lehiaketara –horietatik bi emakumeak–, eta orotara, 133 argazki aurkeztu dituzte. Jende ugari igaro da erakusketatik.'