Etxebizitzetan birgaitze energetikoa sustatzeko eta bizi kalitatea hobetzeko tailerra

Gipuzkoa Argitu programaren baitan, astelehenean izango da, Sindikatu Zaharrean, 18:30ean, eta aurrez izena eman behar da

El Diario Vasco
EL DIARIO VASCO AZPEITIA.

Gipuzkoa Argitu programaren baitan, etxebizitzetan birgaitze energetikoa sustatzera eta bide batez, herritarren bizi-kalitatea hobetzera zuzendutako doako tailerra antolatu da astelehenean, maiatzaren 6an , 18:30ean, Sindikatu Zaharrean. 'Eraginkortasun altuko birgaitzea: zure etxerako baliagarria, dirua aurrezteko eta osasuna irabazteko' da tailerraren izenburua eta helburua bizitzeko diren eraikinen birgaitzea aurrera eramateko orduan herritarrei energia-eraginkortasunarekin zerikusia duten irizpideak eta ezagutzak eskura jartzea da, beti ere, modu erraz eta ulergarrian.

Saioan parte hartu nahi dutenek aurrez izena eman beharko dute, bihar, maiatzaren 3a, 15:00ak baino lehen. Horretarako, honako bideak erabil daitezke: edurne@izadi21.eus helbidera idatzita; edo 628532303 telefono zenbakira deituta (astelehenetik ostiralera, 9:00tatik 17:00etara).

Eraginkortasun altuko birgai-tzeak herritarren bizi-kalitatean eragiten du, arrazoi hauengatik: aurrezpen ekonomikoa handituko da, energiaren kontsumoa gutxituko baita: isolamenduak, hermetikotasunak, aireztapen egokiak eta instalakuntza eraginkorrek energia aurreztea dakarte eta, ondorioz, baita dirua aurreztea ere. Bestalde, bertan bizi diren familiek osasunean irabaziko dute: hezetasunak kontrolatuko dira kondentsazioak saihestuz eta ondorioz, patologiak ekidinez.