Azpeitia

Erraldoi txikien erakusketa zabaldu dute Foru ibilbideko udal aretoan

Erraldoi txikien erakusketa zabaldu dute datorren ekainaren 22a bitartean Foru ibilbideko udal erakusketa aretoan. Idoi Ortega eibartarraren eta Gorka Alonso elgoibartarraren bilduma da eta urteetan bildu dituzten piezak erakutsiko dituzte. Nafarroako eta Gipuzkoako herrietako erraldoien erreplikak dira, baina jatorri eta era askotako erraldoi txikiak ikusteko aukera izango da, izan ere, hirurehundik gora pieza batu dituzte.

Bi astez izango da zabalik erakusketa, honako ordutegian: Astelehenetik ostiralera 18:00etatik 20:00etara, eta asteburuetan 12:00etatik 14:00etara.

Bestalde, Sanagustin kulturgunean ere beste erakusketa bat du egun hauetan. Kulturgunearen hormek Mila Zabaleta artistaren lanak ikusteko aukera eskaintzen dute.