Azpeitia

Emakumeen entrenamendu saioan izena emateko azken eguna da gaur

Domusa Teknik 40 MLK mendi lasterketa ari da gerturatzen eta haren atarian hainbat entrenamendu saio antolatu dituzte emakumeei zuzenduta. Larunbat honetan, martxoak 8, izango da azkena. Egun aproposa aukeratu dute emakumeak kirolean batzeko eta gonbidatua ere ez da nolanahikoa, Oihana Azkorbebeitia mendi lasterkaria izango baitute gidari.

Azken entrenamendu saio honetan parte hartu nahi dutenek, gaur, osteguna, dute izena emateko azken eguna, Lagun Onak MBren webgunean.

Martxoaren 8an, igerileku aurrean elkartu eta goizeko 08:00etan izango da irteera. Hogei kilometroko ibilbidea egingo dute. Ondoren, emakumeen entrenamendu saioak ixteko bazkaria egingo dute. Entrenamendu saiorako izen emate orrian zehaztu beharko dute bazkaltzen geldituko diren ala ez.

Emakumeen entrenamendu saioetako bosgarrena eta azkena izango da larunbatekoa. maiatzaren 10ean izango da Domusa Teknik 40 MLK lasterketa.