Elena Margüello azpeitiarrak irabazi du antzerki topaketetako kartel lehiaketa

Kartel irabazlea. /
Kartel irabazlea.

Azaroan egingo den Euskal Antzerki Topaketen XXXVII. ediziorako irudia izateko hamabi lan aurkeztu dira

ELI AIZPURUAZPEITIA.

Azpeitiko Udalak erabaki du jada azaroan ospatuko diren Euskal Antzerki Topaketen XXXVII. ediziorako irudia. Elena Margüello azpeitiarrak egindako kartela izango da aurtengoan topaketen berri emango duena, epaimahaiaren eta erakusketan botoa eman duten pertsonen iritzia kontuan izanda.

Aurtengo deialdian dozena bat lan aurkeztu da. Irabazleak 900 euroko diru saria jasoko du eta bere lanak iragarriko ditu topaketetak.

Lehiaketara aurkeztu diren hamabi lanak jendaurrean egon dira Foru Ibilbideko Udal aretoan. Hain zuzen ere, erakusketan botoa eman dutenen eta epaimahaiaren iritziak kontuan hartu ditu udalak lehiaketaren irabazlea erabakitzerako orduan.

Saririk lortu ez duten lanak, epaimahaiak bere erabakia eman ondoreneko hilabeteko epean jaso beharko dira. Epe hori igarotakoan lana ez baldin bada jaso, egileak kartela Azpeitiko Udalaren esku uzten duela ulertuko da. Aldiz, saritutako lana Azpeitiko Udalaren jabetzan geldituko da eta Antzerki Topaketetako edizio bakoitzaren garapena sustatzeko nahi duen edo egoki iri-tzitako erabilera eman ahal izango dio, sustapenerako ezinbestekoa baita.