Azpeitia

Ekindar kooperatibak Ohiko Batzar Orokorra egingo du astelehenean

Ekindar Kooperatibak Ohiko Batzar Orokorra egingo du datorren astelehenean, ekainaren 23an, eta bazkide guztiei bertan parte hartzeko gonbita luzatu die. Batzarra Soreasuko Antzokian egingo da, 17:30ean lehen deialdian eta 18:00etan bigarrenean.

Batzarrean, 2024ko ekitaldi ekonomiko eta sozialaren balorazioa aurkeztuko da, eta urtean zehar aurrera eramandako proiektu nagusien errepasoa ere egingo da. Nabarmendu diren ekintzen artean daude: Ekindarren aplikazio mugikorra martxan jartzea, landareen haztegiaren lehen landaketak egitea, herriko kargagailu elektrikoen instalazioa, eta energia-komunitatearen etorkizunari buruzko hausnarketa estrategikoa abiatzea. Horrez gain, bestelako aurrerapen esanguratsuak ere azalduko dira batzarrean, kooperatibak tokiko energia-eredu berriztagarri eta parte-hartzailea indartzeko duen konpromisoaren adierazgarri. Parte hartzeko deia luzatu du Ekindarrek.