Death Cafe saioa izango da datorren asteartean, Basazabalen

18:30etik 20:30era bitartean heriotzari buruz hitz egiteko errespetuzko espazioa izango da

El Diario Vasco
EL DIARIO VASCO AZPEITIA.

Death Cafe saioa egingo dute maiatzaren 7an, asteartean, Basazabal jauregian, 18:30etik 20:30era. Heriotzari buruz hitz egiteko errespetuzko espazioa izango da, eta bertaratzen direnek beren esperientziak partekatzeko aukera izango dute. Urbizixa taldeak antolatu du, «arau eta lokarririk gabe, heriotzaz hitz egiteko eta gure bizitza aberasteko lekua» izango dela adierazi dute antolatzaileek.

Parte hartzeko aurrez izena ematea komeni dela jakinarazi dute sustatzaileek. Izena eman edo informazio gehiago eskuratu nahi duenak 627 117 819 telefonora (Izan) dei dezake.