Azpeitia

Azpeitiak hartuko du Adosen Binakako Txapelketaren finala 2026an

Asteburuan jokatu berri da Labrit pilotalekuan Ados Pilota Elkarteak antolatutako Binakako Txapelketa. Naroa Agirre arroarrak eta haren bikotekide Leire Oskozek jantzi zuten txapela, Iera Iturriagari eta Ane Mendibururi 22 eta 15 irabazita. Baina ez ziren protagonista bakarrak izan. Izan ere, bertan iragarri zutenez, datorren urteko finala Izarraitz pilotalekuan jokatuko da. Hori dela eta, Azpeitiko Udaleko Ion Oteiza eta Aitor Larrañaga zinegotziak Iruñean ziren eta lekukoa hartu zuten, Azpeitira ekartzeko.