Azpeitia

Azpeitia-Gasteiz egitasmoa aurrera doa eta dagoeneko Arabako lurretan sartu da

Lagun Onak mendi bazkunak antolatutako Azpeitia-Gasteiz egitasmoa aurrera doa. Laugarren etapa egin berri dute eta dagoeneko Arabako lurretan sartu dira parte-hartzaileak. Azken etapa honetan, zehazki, 81 mendizalek hartu zuten parte. Hala, Arantzazutik abiatu eta Leintz Gatzagara bitarteko ibilaldia egin zuten, 28 kilometro guztira. «Aldeko eguraldiarekin, eta ingurune ederrez gozatzeko parada izan genuen, Elgeako basoak, Degurixa, Makatzgain...», esan dute mendizale elkartetik balantze bikaina eginez.

Arabako hiriburura gerturatzen ari da taldea. Hurrengo etapa, ekainaren 28an izango da. Leintz Gatxagatik Otxandiora bitarteko 29 kilometro izango dituzte aurretik eta tartean, Anboto igoko dute. Hala ere, Anbotoko gailurretik igaro gabe, beste ibilaldi laburragoa ere izango da aukeran.

Seigarren etapan, aldiz, Gorbea izango da protagonista, eta mendi hau egin ostean Murgiara jaitsiko dira parte hartzaileak. Azkenik, Murgia-Gasteiz izango da azkeneko etapa.