Altuna III.a eta Albisu, Olaizola II.a eta Zabaletaren aurka ariko dira Saninazioetako jaialdian

San Inazio egunean, uztailaren 31n, izango da 22:30etik aurrera Izarraitz pilotalekuan

El Diario Vasco
EL DIARIO VASCO AZPEITIA.

San Inazio jaietan profesionalen esku pilota partiduak izango dira Azpeitian. Uztailaren 31n, San Inazio egunez, jokatuko dira partiduak gaueko 22:30ean hasita Izarraitz pilotalekuan.

Azpeitiko Udalak eta Ilunpe Pilota Elkarteak antolatu dute jaialdia. Partida nagusian, Altuna III.a eta Albisu, Olaizola II.a eta Zabaletaren aurka arituko dira, buruz buruko bi finalistak, beraz, aurrez-aurre. Lehen partidan Jon Alberdi azpeitiarrak profesionalen aurka jokatzeko aukera izango du eta Erostarberekin batera, Peio Etxeberria eta Arangurenen aurka lehiatuko da.

Aurten, lehen aldiz, internet bidez erosi ahal izango dira sarrerak www.entradium.com web orrialdean. Uztailaren 23tik 27ra, biak barne, telefono bidez erreserbak egiteko aukera izango da. 674146406 zenbakira deitu beharko da 18:00etatik 20:00etara bitartean.

Leihatilan bertan sarrerak erosi nahi dituztenek, uztailaren 28an 12:00etatik 14:00etara eta uztailaren 31n, partiduen egunean, 12:00etatik 14:00etara eta 20:00etatik aurrera egin ahal izango dute.

Contenido Patrocinado

Fotos

Vídeos