Azpeitia

'Abertzaleak' zikloko laugarren hitzaldia izango da gaur arratsaldean Basazabalen

Gaur, asteazkena, Pako Sudupe idazleak Telesforo Monzoni buruzko hitzaldia emango du Basazabal jauregian, 19:00etan hasita. Naziogintza taldeak',´-udalaren laguntzarekin-, antolatutako 'Abertzalea' hitzaldi zikloaren barruko laugarren hitzordua izango da.

Telesforo Monzon Ortiz de Urruela (Olaso dorrea, Bergara, 1904ko abenduaren 1a - Baiona, Lapurdi, 1981eko martxoaren 9a) euskal idazlea eta politikari nazionalista izan zen.

Bigarren Errepublikaren garaian Eusko Jaurlaritzako kidea izan zen, buruzagi jelkide gisa. Gerra Zibila galdu ondoren, erbestera ihes egin beharra izan zuen. 40 urtez Ipar Euskal Herrian bizi izan zen; aldi hartan aldaketa ideologiko sakona izan zuen, eta Hego Euskal Herrira itzuli zenean Herri Batasunaren sorreran parte hartu zuen.