Udaleku irekietan begirale aritzeko lan poltsan izena emateko epea zabaldu da

Jauzika Heziketa Elkarteak, ekainaren 26tik uztailaren 21era bitartean Azpeitian egingo diren udaleku irekietan begirale aritu nahi dutenentzat lan poltsa zabaldu du. Haur, nerabe eta gazteekin lan egiteko aisialdiko begiraleek eta heziketan behar berezietan adituek eman dezakete izena. Aisialdiko begirale titulua edukitzea eta azpeitiarra izatea lehenetsiko dira aukeraketa egiterakoan, baita EGA agiria izatea ere. Hezkuntzarekin zerikusia duten ikasketak izatea edo burutzen egotea ere baloratuko da.