Azkoitia

Oteiza pilota elkartea, CMO esku pilotako kluben arteko ligaren final laurdenetara

Lazkaoko Lapke klubak antolatzen duen CMO esku-pilotako kluben arteko ligaren final laurdenak jokatzeko txartela eskuratu du Oteiza pilota elkarteak. Final-zortzirenak hilaren 25ean jokatu ziren Azkoitiko Gurea pilotalekuan, eta etxekoek 2-1 irabazi zioten Barañaingo Lagunak klubari.

Horrenbestez, lehen bi partidak irabazita, eta lortutako tanto kopuruari esker, Oteizako mutilak sailkatuta heldu ziren hirugarren partidara. Hauek izan ziren emaitzak: Kadete mailan, Etxaniz-Segurola 10-4, 6-10 eta 5-2; Antimasmeres- Bengoetxea; Jubenil mailan: Arregi-Bastida 10-1 eta 10-2; Zugasti-Gomez; eta Senior mailan: Aranbarri-Juaristi 9-10, 10-9 eta 0-5 Arribillaga-De la Torre.

Txapelketako final laurdenetan Hernani izango dute aurkari. Hitzordua maiatzaren 25ean da, eta lekua zehazteko dago oraindik.