Martxan dago Beningo kaleko umeen aldeko urteroko zozketa

Ume asko ari dira proiektu honetan laguntzen. / FLOREAGA
Ume asko ari dira proiektu honetan laguntzen. / FLOREAGA

J.S.AZKOITIA.

Aurten ere martxan dago Beningo kaleko umeen aldeko zozketa. Gazteak eta Garapena (Jóvenes y Desarrollo) taldeak udazkenero antolatu ohi duen zozketa da. Aurten bereziki Cotonou hiriko Mama Margarita aterpean dauden umeentzat laguntza bilduko du. Sariak hauek dira: Anaitasuna, Eibar eta Erreala (Igor Zubeldia) taldeko kamiseta bana, futbolariek sinatuak; Migel Zubizarreta 'Bolante' eta Maite Agirre 'Krispin' herriko margolarien koadro bana; Joseba Jatetxean bi lagunentzat bazkari edo afaria; Elikagune taldeak emaniko janari aukeratuen saskia eta Xoxote artzain gazta. Dena sari bakarrean emango da. Sabinoren harategian egongo da ikusgai, kale Nagusian.

Saria azaroaren 4ko ONCEko zenbaki sarituaren azken 4 digitoekin bat datorrena izango da (erreserba azaroaren 5a). «Eskerrik asko lagundu eta lagunduko duzuen guztioi, bereziki aurrez aipatutakoei, Plaza Berri Sporteko Robertori, FK Javier Artetxeri eta Jasokunde kooperatibari», adierazi dute antolatzaileek. Txartelen salmenta hasi da jada. Ume asko ari dira proiektu honetan laguntzen. JyD taldeko kide helduak ere herriko kaleetan egongo dira billete saltzen ostegun arratsalde batzuetan, Pintxo Pote egunean.